Imigqa Yomgwaqo

Iziqhingi Ezipendiwe Nemigqa Yezindawo Zokupaka

Isiqhingi esipendiwe

Lapho sibekwa khona: Kunoma yimuphi umgwaqo.

Inhloso: Ukunqabela abashayeli ukuthi bashayele kule ndawo.

Okumele kwenziwe: Shayela ngendlela yokuthi ungami, ungapaki noma ungashayeli phezu kwesiqhingi, ngaphandle uma uyalwe isikhulu sezomgwaqo noma iphoyisa, ukugwema ukushayisana noma esimweni esiphuthumayo.

Ilayisensi yomfundi

Indawo yokupaka

Lapho ibekwa khona: Kunoma yimuphi umgwaqo, ikakhulukazi emadolobheni.

Inhloso: Ukubonisa lapho ungapaka khona.

Okumele kwenziwe: Qinisekisa ukuthi imoto yakho ipakwe ngokuphelele ngaphakathi kwemigqa emaka indawo yokupaka.

Uma kuwukupaka ngekhona, kumele upake kude ngangokunokwenzeka nomgwaqo, ingaphambili lemoto yakho lingabi kude ngaphezu kwama-150 mm ekhebeni, kodwa ayikho ingxenye yemoto okumele ibe phezu noma ngale kwesitaladi sabahamba ngezinyawo.

Ilayisensi yomfundi

Indawo yokupaka egcinelwe abathile

Lapho ibekwa khona: Ezindaweni zokupaka.

Inhloso: Ukubonisa ukuthi ukupaka kungokwabasebenzisi bomgwaqo ababoniswa uphawu kuphela.

Okumele kwenziwe: Uma ungeyena owalelo qembu eliboniswa uphawu, akumele upake lapha.

Esimweni esiphuthumayo ungama noma upake ophawini olubonisa ucingo lwe-SOS.

Izimoto zempahla kuphela ezingama noma zipake endaweni emakiwe ebonisa indawo yokulayisha.

Ilayisensi yomfundi Indawo yokupaka egcinelwe abathile (umfanekiso wesibili)
  • A — I-AMBULENSI
  • B — IBHASI
  • L — INDAWO YOKULAYISHA
  • T — ITEKISI
  • F — ABACIMI BOMLILO
  • R — IRIKSHO
  • CD — AMADIPHLOMATHI
  • MB — IMINIBHASI
  • SOS — UCINGO LWE-SOS
  • D — AMABUTHO OKUVIKELA
  • P — AMAPHOYISA ASENINGIZIMU AFRIKA